شاي الكرك

[عبسي]

:::..ملك الكرك..:::



أول شي...
نبذة عن الكرك..
هو جاي حليب... معروف عند الهنود... وكان موجود من زماااان في الامارات... وتقريبا أحسن واحد سابقا واللي بدأ بنشر الكرك هو كافتيريا اللي عالبحر،، وهو موجود في نفس موقعه من 25 سنة او أكثر..
وفي الفترة الاخيرة انتشر وااايد بين الشباب... والكل ادمن عالكرك..


ومن آداب شرب الكرك:
1/ انك توقف عند الكفتيريا وتسوي زحمه.. ((مخالفة 200 درهم))
2/ تطلب من السيارة وتأشر بأصابعك كم تبا... 1 أو 2 أو ..... حسب عدد اللي يايين وياك لاحياء طقوس الكرك
3/ يوم توصلك صينية الكرك ..أول شي تسويه انك تفر الريالات في الصينية... وحلاته تسمع الصوت..
4/ تشرب الكرك وانت تمشي في الشوارع..
5/ تفر القلاص من جامة السيارة في الشارع!!! ((مخالفة 500 درهم))


يعني الإجمالي بيطلع عليك 700 ونص درهم... النص هو سعر الكرك... وال700 هم المخالفات خخخخخخ

بس لا تحاتون... ما يهتمون وايد... وبعدين انت وشطارتك... لو شفت دورية شرطة.. خل آداب الكرك حق يوم ثاني ههههههههههههههههههه


والحين... بنبدأ المشوار الكركي...

1
كافتيريا رجب

مكان عجيب للكرك... أحسن كرك من وجهة نظري الشخصية..
موجود في منطقة حلوان (الآبار حاليا) في الشارجة.. وهو مفتوح من حوالي 5 سنوات

وهاي صورة للكافتيريا.. مع صور بعض الشخصيات المهمة
http://www.jewelsuae.com/tqareer/tqr-karak/rajab1.jpg
كواليس صناعة الكرك داخل الكفتيريا
http://www.jewelsuae.com/tqareer/tqr-karak/rajab2.jpg
ايجابيات رجب:
1/ كثرة الباركنات..
2/ سرعة الخدمة...
3/ المعاملة الزينة مع الزباين.. والروح المرحة في العاملين..

سلبيات رجب:
1/ يبند بسرعه.. تقريبا عالساعه 1 او 2...
2/ يفتح الصبح الساعه 9،،، يعني ما نقدر نشرب كرك وعقب نسير المدرسة.. ونفس الحال ويا اللي عندهم دوامات..
3/ الزحمة تكون كبيرة.. وبشكل غريييب... بعد صلاة المغرب... لأسباب مجهولة!!
4/ يوم العيد يبندون... وآخر عيد طاف... الشباب ساروا وشافوه مبند... ويوم سألوه اليوم الثاني. قال ان كان عندهم اجازة.. وساروا في رحلة جماعية الى (سيتي سنتر الشارقة)


يتبع

[عبسي]

2
كافتيريا المرقاب

غني عن التعريف... اشتهر بسرعه كبيرة...
وهو فاتح من 8 سنوات تقريبا.... 6 سنوات في موقعه الجديم في منطقة المرقاب... وعقب انتقل الى منطقة ثانيه في نفس المكان تقريبا من سنتين.. ((ويعود السبب الى هالنقل... لأن موقعه الجديم كان غلط شوي... وما شي باركنات.. والناس يوقفون في الشارع... وكثرة الحوادث.. من جي انتقلوا... بس حتى الموقع اليديد... بعد مب أحسن عن الجديم بوايد... يعني مشكلة الحوادث ما انحلت نهائيا))

ومع صور المحل وبعض الشخصيات..
http://www.jewelsuae.com/tqareer/tqr-karak/merqab1.jpg
http://www.jewelsuae.com/tqareer/tqr-karak/merqab2.jpg
ايجابيات المرقاب:
1/ معروف على مستوى الدولة..
2/ كثرة الزبائن.. ومستواهم العالي..
3/ الموقع الاستراتيجي..(القرب من البحر)

سلبيات المرقاب:
1/ قلة الباركنات...
2/ بطئ الخدمة..
3/ الحوادث ع كيفك... ومسوي زحمة في الشارع..

**********************************************

3
كافتيريا بن عمير

كافتيريا موجوده في عيمان... صوب بحر عيمان تقريبا..
وهي معروفة من زمان... ومشهورة بصناعة جمييييييع انواع الجاي... مب بس الكرك..
عنده فوق 50 نوع... والمجهول 99999 دووم يشرب من عنده...
وهي موجودة من أكثر من 10 سنوات..

صورة عنه.. مع الشخصيات:

http://www.jewelsuae.com/tqareer/tqr-karak/omair1.jpg
http://www.jewelsuae.com/tqareer/tqr-karak/omair2.jpg
ايجابيات بن عمير:
1/ النظافه والترتيب من داخل اعطيهم 10من 10
2/ الموقع في السكيك... يعني بعيد عن الشارع العام... وهالشي اللي يخلي (((المجهول وربعه يسيرون له))) خخخخ
3/ سرعة الخدمة..

سلبيات بن عمير:
1/ قلة الباركنات...
2/ الشارع سيد وروم سيد..
3/ ستايل المحل ما عيبنا... حتى اللوحه اللي مكتوب عليها اسم المحل نص ليتاته محترقة
خخخخخخخخخخخ

**********
4
كافتيريا طنجة

أحسن كفتيريا في مشيرف... وكل ما اسير عيمان لازم اسير اشرب من عنده.. وفاتح تقرييبا (مب أكيد) من 6 سنوات... حسب المعلومات اللي يمعناها من اهالي مشيرف (عيال خالتي والمجهول) خخخخخخ

صور للمحل والشخصيات:
http://www.jewelsuae.com/tqareer/tqr-karak/tanjah1.jpg
http://www.jewelsuae.com/tqareer/tqr-karak/tanjah2.jpg
ايجابيات طنجة:
1/ كثرة الباركنات.
2/ سرعة الخدمة..
3/ الموقع المناسب بالنسبة لأهل مشيرف..
4/ الصبح يفتح من وقت... عقب الفير على طول... والساعة 7 يجهز الكيمة عنده

سلبيات طنجة:
1/ قلاصات الكرك تعبانة..
2/ كثرة تجمعات الشباب عند المحل..
3/ يبند الساعه 10 ونص... يعني يبند من وقت...
والسبب في هالشي ان شرطة عيمان مانعتنهم من انهم يفتحون لي نص الليل... عشان الشباب ما يتيمعون يدام الكفتيريا..

يتبع

[عبسي]

5
شاي واسط

كفتيريا موجودة في منطقة سمنان في الشارجة..
تخصصه الكرك... لكنه مب اوكي فيه... وفاتح من سنة وحدة بس... يعني يديدة..
وطبعا (سقراط) يعرف زكريا عدل... من جي في بينهم نوع من المرح والدعابة.. خخخخخخخ


صور للمحل... وللشخصيات الطريفة اللي فيه..:
http://www.jewelsuae.com/tqareer/tqr-karak/waset1.jpg
الفكر التسويقي العالي عندهم... يعرفون ان اهل الشارجة نصهم شرجاوية والنص الثاني شعباوية.. من جي ما زعلوا حد
http://www.jewelsuae.com/tqareer/tqr-karak/waset2.jpg
هههههههههههههه والله انهم عجيييبيين.... يبالنا لقاء مع (مجيد) بطرح الفكرة عالشلة،،، خخخخخخ


ايجابيات واسط:
1/ الفكر التسويقي الراقي... بوضع اعلام الشارقة والشعب..
2/ الموقع الممتاز..
3/ النظافة الجيدة..
4/ وضع الاعلانات والاقوال المأثورة لجذب الزباين..

سلبيات واسط:
1/ الكرك ماله تعبان.. ومب شي.. للأسف يعني..
2/ عدم وجود هندي محترف لصنع الكرك..
3/ قلة الزباين... (((للأسباب المذكورة)))

**********************************************


6
كافتيريا عالبحر
موطن الكرك الأصلي... كافتيريا جديييمة فاتحة من اكثر من 25 سنه..
له تاريخ عريق,,, وكل الشياب في الشارجة يعرفونه... ووايدين يتيلسون فيه.. ومسوين لهم ميلس شعبي صوب الكفتيريا,, ولو حد طاف من عندهم يطالعونه من نعاله لي غترته... ((يعني يشردونه)) خخخخخخخخ

وصورة للكفتيريا والشخصيات العريقة اللي فيه..
http://www.jewelsuae.com/tqareer/tqr-karak/ba7ar1.jpg
يوم سألنا اسماعيل عن تاريخ الكفتيريا.. قالنا انه هو يشتغل فيها من 18 سنة... ((يعني قبل لا انا انولد)) خخخخ
وبتقدير منه هو قال انه فوق الـ25 سنة..

وبجي بيكون أعرق كفتيريا موجودة.. والاساس في انتشار الكرك بين المواطنين..


ايجابيات اللي عالبحر:
1/ يسوي جميع انواع السندويجات.. (بيض وجبن.. هامليت.. الخ.... )
2/ ميلس شعبي للشياب...
3/ تخصص شياب..
4/ لعب طاولة وورقة صوب الكفتيريا..
5/ الباركنات لا بأس..
6/ الجاي حلو وعجيب.. (الموطن الاصلي للكرك)

سلبيات اللي عالبحر:
1/ زحمة الموقع اللي هو فيه.. ((يعني صوب البحر... والسوق هناك))
2/ بعده عن المناطق السكنية... يعني يبالنا نضرب خط عشان الكرك لو بنسير عنده خخخخخخ

وطبعا بعد هالجولة المتعبه.. واللي لفيناها في يوم واحد..

من عقب صلاة العشا لي الساعه 11:30 فالليل تقريبا

سرنا كفتيريا (السراب) نتعشى... وطبعا ما في احلى من الديو...
http://www.jewelsuae.com/tqareer/tqr-karak/deooww.jpg
لكني ما شربته!!!

تعرفون ليش.؟!!؟؟

لأننا نقعنا واحنا نشرب الكرك من كل كفتيريا...

وهاي صورة لقلاصات الكرك
خخخخخخخخخخخخ
http://www.jewelsuae.com/tqareer/tqr-karak/glassss.jpg
:::..ملك الكرك..:::

وطبعا.... بنراويكم نسبة التصويت ....

الكافتيريا الرسم التوضيحي عدد الأصوات النسبة المئوية
كافتيريا رجب 23 42.59%
كافتيريا المرقاب 4 7.41%
كافتيريا بن عمير 19 35.19%
كافتيريا طنجة 3 5.56%
كافتيريا واسط 1 1.85%
الكافتيريا اللي عالبحر 4 7.41%
المشاركون في التصويت في هذا الاستبيان 54 شخص


وبهذي النتيجة.... نبارك لكفتيريا رجب الحصول على لقب

:013::013::013::013::013::013::013:

م ن ق و ل

[كوكو واوا]

خخخخخخخخخخخخخخخخخخخخخخخخ



موضوع وايد مهم لول

الكفتريات الاكثر مبيعا للكرك خخخخخخخخخخخ

[نونو]

الله عليك يا عبسى
شكلك مدمن الكرك
الصراحة انا اموت فى الكرك
وتسلم على الموضوع الحلو

[عبسي]

يسلمووو ع الردوود اخواني

وانا مدمن مدمن
لووول

[هـ عاشق الظبي ـزاع]

http://manager.albawaba.com/img/new_sys/mediabank/222_mb_file_6f4d3.gif
والله امووووووووت فالكرك بيني وبينك
بس والله نفس ما قال نو نو الله يذكره بالخير
شكلك بالعربي مدمن كرك
رقم واحد والله
ول ول انت سويت بحث جامعي
لا مب الا بحث
هذي شهادة دكتوراء كرك
الدكتور : عيسى كرك المحترم ,,,,,,,,,,,,,,,, استويت عالم من علماء الكرك
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخ
خخخخخخخخخخخخخخخخخخخخ مصختها انا صح خخخخخخخخخخخخخخخخخخخخ
لا والله عيسى موضوع حلو والله وشيق ويهم الناس والمجتمع الاماراتي والعربي بشكل عام
والله انه موضوع صراحه :exclamati
الف مشكور الغالي بس ما قلت مضار الكرك ...............؟؟؟؟؟؟؟؟

[الريم]

ياخطير انت ياعبسي وين سرت لهم وصورتهم يحليلهم..موضوعك وايد حلو ومهم للشباب اللي مايعرفون شو احسن كفتيريا فالدوله..بس شو يعبسي اشوفك طرحت تقريرك بدون ماتعزمنا على كوب كرك تراه بنص درهم.
أخويه إذا مليت من الكرك اللي عندكم تعال عندنا نحن عندنا كفتيريا مشهور على مستوى الدوله وتقريبا نص الخليجين يعرفونه لين أطوف عداله أشوف سياير دول الخليج وخصوصا سياير أبوظي.. ( :
يسون كرك ماظن في مثله..
أسمه كفتيريا النعيمي هب أعلان او دعايه بس أعطيك فكره عنه وعن اسمه.

[حـظي كـتـب هـمي]

ههههه الله في خاطريه جاي كرك

والله الموضوع طرررررر يعطييك الف عااافية
ولا تحرمنا من يديدك

لك فائق احترامي

[عبسي]

مشكووووووووورين حبايبي
ع الردووود


شرفتوني بموروركم

[ذيب الامارات]

السلام عليكم ورحمة الله وبركاته

في خاطري اشرب كرك من كافتيريا بن عمير هههههههههه

تشرب كرك وانته تتجول في المنتدى غير هههههههههههههه

الله يعطيك العافيه على الموضوع الكركي

وتسلم ونترياااا المزيد من مواضيعك الحلوه

[أمورة دبي]

^&)§¤°^°§°^°¤§(&^ هاي الكفتيرياااااااااات وين موجوده ...


لا تنسى في الممزر شي كافتيريا يمدحونها إسمها عبيد بالخصيبه..


ما شاء الله عليك إميمع الكافتيريات كلهم أكيد



أكيد إنته كفيلهم ...^&)§¤°^°§°^°¤§(&^

[شرشبيل]

نهاهاهااههااهاهاهاااهاهاهااهاهاهااهاهاي


عبسي


في بعد كفتريا تم ماسويتله دعايه

ههههههههههههههههههههههه


شكرا حوبي علي الموضوع الحلو

وبصراحه الحين في خاطريه شاهي كرك


لو بدالك بعطي كل واحد يدخل الموضوع
كوووب شاهي
وهاهاهاهاهاهاهاهاهاهاهاهاهاهاهاهاهاي

[أمــيــ اللــيـل ــــرة]

اهليييييييييييييييييييييييييين أخوي (((( عبسي )))) تراني شراتكم مدمنه شاي كرك من كثر ما انا احبه اعرف اسويهااا وخاصتن بعد الريوووق الصبح ياااااسلاااام يعدل راسي واذا ماشربت يعورني راسي هههههههههههههههههههههههههههههه وتسلم اخوي عالموضوووع تحياتي للجميع أختكم الصغيرووووونه أميـــ الليل ــــرة 000000

[alnyadi]

انا سرت الكافيريا اللي عالبحر كم مره بس عسبه الكرك متعني من العين عشان خاطره

ThAnKs AlOo0oT 3bSi

[فاقدة الاحساس]

فديت روحك يابو الكرك حرام عليك عاد الحين صيام والعاب يسيل
الله يذكر أبويه بالخير كل ما نسير دبي يطوفنا عند كافتيريا في الذيد بس للأسف ما أعرف اسمها
المهم هي قبل مطعم بعلبك..يسوي شاي كرك على أصول عذااااااااااااااااااااب
المهم مشكور على الموضوع والصور وااااااااااايد عجبوني...

[k7eel-2l-3in]

هلااااااااااااااااااا والللللللللللللللله اشحالكم ...

شكلكم نسيتوا الممزر ...؟ ولا مب شيء الكرك ماله ؟؟؟؟

وينكم يا اهل الممزر؟؟؟

[الياسيه]

ياعيني على ملك الكرك

تسسسسلم عبسسسي عالموضووووووووع الفنننننننننن

[حبوبة زعاب]

الصراحة أنا ما اظمن روحي يمكن شو يحطون لي بالغلط بـــ شاي الكرك....


بس بعلمكم كيف اسووونه بالبيت....


بسم الله الرحمن الرحيم ..



نبدأ ..

اولا: تحط الماي ,, ولاتنسى تشغل الغاز


http://www.1111a.com/upload/Array/krk01.jpg





وبعدين خله شوي لين يبتدي فيه مثل الفقاعات يعني قبل الغليان,,

ثـــــم نظيف الشاي والسكر


http://www.1111a.com/upload/Array/krk02.jpg





اول شي السكر << كيفك بس هذي الطريقه المثاليه خخخ



http://www.1111a.com/upload/Array/krk03.jpg







وبعدين الشاي


http://www.1111a.com/upload/Array/krk04.jpg





الحين نقطه مهمه...



لازم تخلي الشاي والسكر يطبخون في الماي



عدل قبل لاتحط الحليب


http://www.1111a.com/upload/Array/krk05.jpg


بعد مابغلي شوي


نحط الحليب(حليب مركز وانت اختار الماركه)



بالنسبه لنا ابو قوس


http://www.1111a.com/upload/Array/krk06.jpg




الحين نخليهم يطبخون



وبعدين على نار هاديه يطبخ ويطبخ شوي شوي


http://www.1111a.com/upload/Array/krk07.jpg



الحين اللمسه السحريه



تخليه يغلــي وتطفي عنه


http://www.1111a.com/upload/Array/krk10.jpg



الحين الله يسلمك تجيب مشخاله



ونحط الكرك بالدله


http://www.1111a.com/upload/Array/krk11.jpg



واخـــــــــيرا ..



http://www.1111a.com/upload/Array/krk12.jpg



هـــني وعافيه ..

[شعشبوووونه]

حبوووبة فنانه

ههههههههههههههههههههههههههههههههههههه


اانزييييييييين عبسي اقوووووووووووووول

ما تلووووووووووووووع جبدك سوا انت برووووووحك الجاي ولا تشربه من هايلااااااااااااااااا
هههههههههههههههههههههههههههههههههه
هههههههههههههههههههههههههه لا حيله دوم الشباب ما يسمعووووووون الرمسه

[الادهم]

صراحة يايت على الجرح بس صدق كافتريات عريقة بس شان في كافتريات في ابوظبي ياليت تخبرني

[عبسي]

هههههههههههههههههههههه

والله بروحي ادور مطعم او كفتريا في بوظبي يسوي شاهي كرك
هههههههههههه

شكرا اخويه علي مرورك الطيب

تحياتي لك

[shahy]

يسلموووووووووو بس انا شاهى نعناع محب الكرك ههههههههههه

[مزعلة النساء]

الصراحه الي كاتب الموضوع اشهد انه تعب فيه ويعطيك العافيه ....
ووقبل فتره يابو عنه تقرير بس في تلفزيون قطر عن الي يبيعون كرك هناك ....هب اهنيه
والصراحه وااااايد حلو ....ذكرتني بايام الجامعه والزيارات الميدانيه اذا بنسوي بحوث....

[روميو_العين]

يسلموووو
عوااس ( عبسي ) ع الموضوع


خييييك الجنيبي

[R e-e M]

هههههههههههههههههههههههه يسلمووووووووووووو احلى شى عندي الكرك اممممممممممممممممم

[ضـــ القـمــر ــي]

السلام عليكم ورحمة الله وبركاته

ههههههههههههههه هيه والله هالكفتيريا تسوي كرك لذيذ .... انا تعلمت كيف اسويه بس من اسبوع ..مممممم انا مدمنة شاي والله يستر

[عقرب الامارات]

مشكورين على الموضوع ويعطيكم اللف عافيه:011:
عبسي مدمن الكرك

[...الخيـالـه...]

عبسي نسيييييييييييييت الكافتريا الي في الممزر

جاي كركه عجييييييييييييييب والله المواتر الين برع

مشكور