خســـــــــوف القمــــــر [الأرشيف] - منتديات مجالس الامارات

خســوف القمــر

02-09-2006, 09:09 AM

لتحميل الجزء الأول من القصة .. من هذا الرابط ::
http://www.uparab.com/files/gto6IYUV6W9SWGAm.zip

~*¤ô§ô¤*~*¤ô§ô¤*~الجـــــــــــــــــــــــــــــز ء الأول ~*¤ô§ô¤*~*¤ô§ô¤*~

اندق الباب: احمدوووووووه نش بسك رقاااد..
أحمد : منوووووو افففففف يا انتو شو تبووون ؟؟
: بطل الباب بسرعه بسرعه يالله ..
أحمد : شو تبووون اوووهووووو ..
نش من الشبريه وفر اللحاف ..
بطل الباب : هاااااااه .. ها انتي نورووووه شو تبين
نورة : ما شي بس امي تقولك قم موصلنا السوق ..
أحمد :: ويا هالراس .. الحين مسويه قرقيعان على باب الغرفه واخر شيء السوووق .. صدق ما عندج سالفه .. سيري خلي خلوود يوديكم ما فيني .. ابا ارقد يالله زولي ..
نورة :: امااااااااااه شوفي احمد مايبا يودينا .. تعالي شوفيه ..
أم أحمد :: يالله احمداهبط اتسبح وقم وصل خواتك العين مول يبن يبدلن التنانير ينهن مقاس صغير ..
أحمد :: اييييييهييييي امي ما فيني .. خلي ولدج خلوود يسير .. ما عنده شغله غير يالس على هالبلاي ستيشن .. خليه يوديهن ابا ارقد انااا ..
أم أحمد :: يالله احمدوووه .. خالد راح ويا ولد عمك عبيد عند يدك في المستشفى ..
احمد :: اففففففف انزين يالله بسير اتسبح ..
نورة:: يالله بسرعه فاااااااهم ناس ماتي غير بالعين السودا .. ههههااي ,,
أحمد :: ذلفي إنتي عن ويهي ..
نوره:: عوووووووش سيري تلبسي يالله احمد هبط يتسبح ..
عاشه :: انزييين ويا هالحس ..
نوره يالله أودامي .. <<بالمصري جدامي ..
عاشه :: حاضر يا ست الكل ..
عاشه ونورة في الغرفه يلسبن عشان يسيرن السوق:
عاشه :: نوروووه .. انتي قلتي حق الخياط بنخطف عليه ناخذ مريول سلامه؟؟
نورة:: روحي زولي هاللي ناقص .. اسير احاوط عشان ملابس سلامه ..
عاشه :: والله بتباغم عليج ..
نورة :: اكبر ما في راسها اتسويه .. خلي امي تسير ..
عاشه :: والله كيفج أنا قلت لج ..
نورة :: يالله انزين انا اترياج عند السيارة ..
نورة :: احمدوووووووووه وينك يالله عنبو ما يسوى علينا سبوووح ..
نورة تغني :: والله ما يسوى أعيش هالدنياااا بدونك ..
أحمد:: يالعنز الطروووب لمي لغبج ويالله .. وين عويش؟؟
عاشه :: يالله يايه يايه بس بلبس نقابي ..
أحمد :: بعد الننجا .. شغلتهم شغله يالله عااااااد ..
نورة :: عاااااااد ولا ثموووووود ههههههههه
أحمد:: لا قوم تبع .. وانتي شو لابسه .. صدق إنج هنديه .. وين صاروا الناس يلبسون جوتي احمر ويا تنورة سودا؟؟ صدق انج هنديه
نورة :: لا يا شيخ .. >>بطلت عباتها ..
نورة:: وهذا شوو في التنورة شيء أحمر يعني عادي .. بس صدقك مب حلو الجوتي الأحمر مع إني احب هالجوتي مريح .. يالله ثواني وراده..
عاشه :: وين وين .. خيبه يالمطيورة ..
نورة:: ببدل جوتيه مب حلو ..

وفي السيارة :
احمد :: شو تبن عاد من العين مول؟
نورة :: البارحه شرينا ويا امي تنانير من سبلاش وطلعن ضيقات وقصار .. يعني مب على قياسنا .. ونبى نبدلهن جان بيطيعون ..
احمد :: يعني الأحين .. مليون سنه تعاشرين محلات الجاهز ولا تعرفين قياسج ؟؟
عاشه :: ترا أحمد انت لو شفت الموديل بتقول يبالنا أصغر من قياسنا ..
نورة :: وييييه عوووش شوفي .. منو في هذيج السيارة ..
عاشة :: وييييييييين؟؟
نورة::الإستيشن البيضاء هذيج.. أول وحده ..
عاشه :: هييييه .. طالعوا .. مالت عليها .. الزلمه هب هينه حسبي الله عليها .. ريهاموووه..
نورة :: انتي لو شفتي اخوها شو يسوق جان زخيتي راسج ..
عاشه :: من الحين بقبضه لا تخبريني هههههه
نورة و احمد :: ههههههههههههه

وصلوا الباركنات للعين مول::
احمد:: يالله نزلن إنتن الحين لين ما أحصل باركن ..
نورة :: اوكي ..
شوي ولا أحمد يا هم ..
ومشوا في المول لين ما وصلوا عند المحل ..
احمد :: يالله سيرن داخل بترياكن هنا ..
نورة :: عادي تعااال شيء ملابس رياييل داخل ..
أحمد :: برمس بالتلفون أنا سيرن داخل .. وبسرعه يالله ..
أحمد يدق تلفون ::
أحمد ::ألو
:: هلا أحمد
أحمد :: هااااااه شحالك ..خليفه
خليفه :: بخير .. وين انته اسمع حشره عندك؟؟
احمد ..:: والله في العين مول ويا الاهل شوي ..
خليفه ::: هيه ..
احمد :: شو قاعد أتسوي ..
خليفه :: ماشي قاعد عالمنتدى ..
احمد :: ذليتنا إنت ويا هالمنتدى .. هاااااه شو وياك نور العيون .. عطتك ويه؟؟
خليفه :: وحياتك اسبوعين ولا أم نور العين في المخبا.. يا عمي شو تقول .. توها مطرشه رسالة خاصة يالسه تمدح فيني وتشكر ..
أحمد :: يا عمي الحلقة الأخيرة تظهر نور العيون .. ولد .. وبضحك عليك من الخاطر ..
خليفه:: لا يا بابا .. هب على خليفه اطوفه حركـــات الشباب ..
أحمد:: ياما ركبنا للثيران قرون .. بس ما فادن .. يا عمي مليوون واحد قال ما ايطوفن علي هالحركات ..
خليفه :: انزين انت بتشوف .. تحيد سلوة الخاطر .. شو سويت بها .. بهدلت أمها تبهديل .. لين الحين ادق تلفونات ومسوي لها طاااف بو لباس سا عم ..
أحمد :: صدق ما عندك سالفه ..

ظهرن البنات من المحل ..
أحمد :: أنزين اقول الليفه .. برمسك عقب ..
خليفه :: الليفه بشكارتكم يالأسود .. يالله برايك ..
أحمد :: برايك باي..
نورة :: بنسير شوية صوب هوم سنتر ..
أحمد:: يالله إنزين وين عاشه ؟؟
نورة :: بس بتاخذ الفاتورة ويايه ..
عاشه :: نورة .. انتي المقاس اللي خذتيه غلط ..
أحمد ::ايييييه من الحين المقاس غلط رديه لا تسوين لي هاتوني و ودوني ..
نورة:: لا لا صح متأكدة ..
عاشه :: والله كيفج .. يالله انزين انسير هوم سنتر..
أحمد :: شو تبن من هوم سنتر ..
نورة :: نبا ناخذ هديه حق ربيعة عويش .. أهلها انتقلوا بيت يديد .. وبناخذ لهم شيء ..
أحمد:: اسميكم متعبلات ..
عاشه :: اللي يسمع ماشي عااد .. لو ربيعك جان ربعت تاخذ له ..

خذوا من هوم سنتر صحــون ومــواعين .. كشخه .. وعلى قد المـــقام ..
و طلعوا من العين مــول .. وفي السيارة ::
نورة:: عاشه إنتي متأكده ما بتسيرين تيبين مريول سلامه من عند الخياااط ؟؟
عااشه:: اففففف منج إنتي واختج..
عاشه:: أحمد لف الإشاير و ارجع.. بغيت خــياط الرداء ..
أحمد :: اوكي ..
في السيارة مشغلين الراديو يسمعون حارب السويدي برنامج التراثي ..
نورة :: هذاا ما يخلي حد يجاوب عدل سيده عقه بحر عنبووو صبر .
عاشه:: جيه شو انتي اتحرينهم بس جذاا تراهم يربحون فلوس هالناس اللي تشارك ..
نورة :: انزين حتى ولو يخلي الناس تفكر .. شدراهم بالسوال اللي بيسالهم به ..
عاشه :: احسن يستاهلون ..
وفجأه لف عليهم واحد راعي نيسان أحمر::
أحمد:: حووووووووه عنبوا هالويه ..
نورة :: اميييييييييييه
عاشه :: باسم الله الرحمن الرحيم ..
أحمد:: يغربل هالويه ..

وصلوا الخياط .. نزلت عاشه.. ويابت المريول ..
ووصلوا البيت ..
نورة :: ماااااااااالييتا ... ماااااااليييتا.. تعالي شيلي هذا سامان ودي غرفه مال عاشه ..
ماليتا :: إن شاء الله مس ..
عاشه:: امايه .. اندوج مريول بنتج .. خلصتوا فلوسي ..
أم أحمد:: هيه زين ..

دخلت عاشه .. الغرفه
دق تلفون عاشه:: الو .. السلام عليكم
:: وعليكم السلام والرحمة شحالج عاشه ..
عاشه :: هلا اليازيه شحالج .. ماااااااا عليه انتي ما علييييييه
اليازيه :: شصاير ؟؟
عاشه اونج ما تعرفين يعني ..!!
اليازيه :: والله ما اعرف شو صاير ..؟؟
عاشه :: يعني ما تعرفين إن الدوام الرسمي لين الساعه 10 اليوم ..
اليازيه :: هيه هههههههههه يعني طحتي في المطب هههههه ..
عاشه :: ما علييييه يزووي يالدبه ..
اليازيه :: والله مالي خص حد قالج كل ساعه وطالعه برع الدواام ..
عاشه :: هب منج يالدبه .. مني انا اللي ازغطج هالأكل ..
اليازيه :: هههههههههه اصلا انتي روحتي بعد ما شلوا الملف ولا وقعتي .. عادي سيري عند أمين الهندي وقولي له تبين توقعين وبيعطيج الملف ..
عاشه:: هيه ولا امين ما بيخبر ... بو حمد .. والله ..
اليازيه :: شدراني انا انج بتتاخرين لين الساعه 12 ..
عاشه :: وانا اشدراني إن الدوام لين 10 ويا هالراس ..
اليازيه :: اقووول .. دريتي .. ام فاطمه توفت حليلها البارحه ..
عاشه :: لا تقولين .. لا إله إلا الله .. يحليلها ..
اليازيه :: هيه والله كاسري خاطري .. بتسيرين العزى باجر ..
عاشه :: ما ادري بشوف امي جان بتسير ..
اليازيه :: انزين يالله خلصتي رصيدي .. باااي
عاشه :: يالبخيله .. ما واحالج توج داقه لي ..
اليازيه :: ما عندي رصيد .. ما فيني ادق حق الدكان اييب لي بطاقه ..اقوول دشي النت .. كل بنات الدراسه متولفات اليوم .. نتلاقى عالنت اوكي ..
عاشه :: اوكي باي .. ::
دخلت عاشه الإنترنت ..
عاشه دقت حق اليازيه : الو وينج .. دشي المسنجر
اليازيه :: اوكي انزين يالله باي
عالمسنجر .. عاشه كان نكها :: الغايـــــــبه
الغايـــــبه :: ول ول ول شووو تسون يا صبايا ..
اليازيه نكها ..:: سلام الله على قلبك ..
سلام الله على قلبك:: يالسات يسولفن و يحشن في بعض
الغايــــبه :: اشوفهن ما عندهن سالفه .. ول خيبه شوو ها
سلام الله على قلبك :: انتي شوفي صورة عفاري ..
عفرا نكها بـــــــريد القلوب قلبك ..
بريد القلوب قلبك :: شو شو شو شو فيها عفاري الحلوه بعد ..
الغايــــبه :: فيها إنها ما اطرش ايميلات ..
بريد القلوب قلبك :: ماشاء الله ايميلي يقولج بسني دخيلج بسني ايميلات .. انتي ليش ما اطرشين ما بتدفعين عليهن فلوس يالبخيله ..
الغايـــبه :: ويا هالراااااااس يالفلبينيه ترا تعرفين إني ما ادش النت غير بالسنه حسنه ...
سلام الله على قلبك :: عاشوا الضرااابه .. اقوول عفووور اندوج جوتيه ضربي عووش على قمة راسها هههههههههه
الغايـــبه :: دخيلج انتي لا ترمسين بيخلصن حروف الكي بورد .. يالزطيه .. ههههههههههه
بريد القلوب قلبك :: خيبه خيبه .. اقوول جنه الكمبيوتر يااه فايرس ..
الغايـــبه :: وي وي وي .. يزووي لبسي كمامات لا يصيبج فايرس بعد ههههههااي ..
بريد القلوب قلبك :: اقووول باي .. بدخل عقب اشووفكن على خير باي ..
الغايبه :: سلمي على امج بااااااااي ..
سلام الله على قلبك :: يالله العووش ام الهووش .. انا بعد بطلع بسير اتعشى هههههههه
الغايبه :: يعلج البطن قولي آمين .. يالله باااااااااااي

دخلت نورة على عاشه ..
نورة :: عوااااش .. امي تقولج تعالي تعشي .. الله منو صورته هالياهل ياااا سو كيوت ..
عاشه :: يالله انزين الحين يايه ..
نورة :: خلي النت .. لا اتسكرينه .. اباااه ..
نشت عاشه من الكرسي وراحت الصالة تشوف شو العشى ..
عاشه :: اوووووووهووو امااه شو هالعشى .. اذيتونا كل يوم معكرونه وباشاميل .. اففف عيزتوني والله..
أم أحمد:: عيزت ما اقوولها سوي و سوي .. تقولي انزين ولا تسوي شيء .. سيري علمي ماليتا شو تبين تاكلين ..
عاشه :: بسني ما ابااا .. بسير اطلب من الكافتيريا ..
في غرفة عاشه
نورة :: عااااااااااااااشه .. عوووووووووووش ..
عاشه من الصالة : هاااااااااه ويا هالصوت شيء تبين من الكافتيريا ..
نورة ::هييييييييييييييه .. ابا عصير همبا شقف وصلحوا ههههههههه
عاشه :: بس؟؟
نورة :: هيه بس
خالد :: حتى انا ابا .. ابا عصير موز .. وهمبرقر بدون خضرة ..
عاشه :: امايه تبين همبرقر؟؟!؟
أم أحمد :: لا لا اخيييييج ما ابا خف البعير .. وععععع
عاشه:: امااااه هذا وقتج يالسه تشبهين الأكل بالحيوانات ..
عاشه :: وين احمد شي يبا من الكافتيريا ..
خالد:: احمد طلع ويا ربعه .. اكييد بيتعشى برع ..
عاشه :: يالله انزين قم دق حق الكافتيريا وقوله شو نبا ..
نورة على النت يالسه اتسولف ويا ربيعتها من المغرب على المسنجر ..
نورة النك نيم كـــــــــل ما أقـــــولة آه
كـــــــــل ما أقـــــولة آه:: هااااااااااي ثريا شحالج ؟؟
ثريا النك نيمها حـــــــافية القدمين ..
حـــــــافية القديمن :: اهلين نورة .. شلونكم ..
كـــــــــل ما أقـــــولة آه:: واااااااي انتي .. شووو المغرب
حــــافية القدمين :: والله بخري الحمد للله

كـــــــــل ما أقـــــولة آه:: بعدج تنقعين في الكتابه .. ههههههاااي
حـــافية القدمين :: واللله ما اعرف اكتب عربي يزين ..
كـــــــــل ما أقـــــولة آه:: خلاص اوكي بكلمج على المايك ..
نورة :: الووووووووووووووووو حووووه تسمعيني ؟
ثريا : ايواا ايواا بسمعك ..
نوره :: شخبار المغرب..
ثريا :: كويسه ..
نوره :: شخبار اخوج عبد القادر
ثريا :: يسلم عليكي كثير كثير
نورة :: يحيكم .. انزين اقوول .. بكلمج بعدين باااي ..
ثريا :: وين نورة ..وين رايحه ..
نورة :: بسير اشوف إذا خلص العشى .. سلمي على امج بااي
ثريا :: يالله مع السلامه
سلامه دخلت الغرفه ::
سلامه .:: شو هالمريــول .. وايد قصير وواسع ..
نورة:: وانا شو اسوي لج يعني .. هذا قياسج اللي وديتيه حق الخياط ..
سلامه :: اففففف قسم بالله هالخياط غبي ..
عاشه :: شو شو منو الغبي ؟؟
سلامه :: لخياط بعد منو ..
عاشه :: حد قالج .. انتي معطتنه قياس جذاا ..
سلامه :: افف الحين ما عندي غير هالمريول .. بعدني اسير ارده ما فيني ..
عاشه ..:: تراج تلبسين فوقه عباه منو بيشوفج ..
سلامه :: تراني افصخها ..
نورة :: انا اشوفه عادي .. ما فيه شيء ..
سلامه :: اووه انتن .. تراكن مخلصات الثنويه وعوااار الراس ومفتكااات .. عووش تشتغل في البلديه .. ونورووه في الجامعه شعليكن هب نحن ويا هالمراييل ..
أم أحمد :: عاشه .. هاتي افلوس عطيهن خالد وصل راعي الكافتيريا ..
عاشه :: كم يبا؟؟
أم أحمد:: عطيه خمسين .. والباقي خليه له ..
عاشه :: اكووه انزين بوكي في الشنطه .. نورة اعطي خويلد فلووس
نشت عاشه وطلعت من الغرفه .. وتبعتها نورة وسلامه
سلامه ::: طاااااااااااالعوا ولا طلبولي
نورة :: شوهذا منو طالب لحم ناشف؟؟
عاشه ::ما ادري .. خلود انت طالب؟؟
خالد:: لا
نورة :: شوفي حظج من وين .. اندوج بلعي هههههههه
سلامه :: حليله راعي الكفتيريا حاس فيني .. ولا انتوا مالت عليكم ..
عاشه :: هيييييييه امره اتحرين عمرج راني ((ممثله هنديه)) عشان يحس فيج ..
أم أحمد:: اسميكن أذيه سكتن بنسمع الأخبــار
نورة :: امي ترانا .. انسولف ...
أم أحمد :: خيبتهم هاليهود .. طالعين ماكلين ونازلين ما كلين .. اشوو يبون هالأوادم ..
عاشه :: اووووه يععععع .. امي بدلي يلوعون بالجبد ..
أم أحمد :: استغفر الله بدال ما تقولين الله يعينهم .. يالسه ايلوع الجبد ..
عاشه :: الله يعينهم بس عــاد مب وقته اشووف هالمناظر ..... عوذ بالله ابا اكل ..
نورة :: هاااااااااااه يا احمد اسمع صوت سيارته القرنبع ...
اندق الباب ..
:: هوووود هووود
نورة :: أبويه هذا ..
سلامه :: اففففففففف شو يابه هذا بعد الحينه ..
أم أحمد :: هذا ابوج واي وقت مرحبابه ..
أبو أحمد :: سلام عليكم ..
نورة:: مرحبا ابويه وعليك السلام ..
عاشه:: وعليك السلام ..
خالد :: وعليكم السلام ..
أم أحمد تغشت :: وعليكم السلام مرحبا بو احمد اقرب تعشى ويا العيال ..
كلهم نشوا يوايهون على ابوهم ..
نورة:: تحريتك أحمد ..
أبو أحمد :: هيه .. أنا ياي اعطي امج المصروف وبروح ..
سلامه :: ابويه ترا المدرسه تبى 100 ربيه عشان اسبوع الشرطه بيسوون معرض ..
أبو أحمد :: إن شاء الله بعطي امج الفلوس ..
أم أحمد :: أقرب بو أحمد تعشى مسوين معكرون .. ما تبى؟؟
أبو أحمد :: لا لا بسني .. بسير الحينه أنا .. اندوج هذيلا 3000 درهم .. والكرهب والماي دفعت فواتيرهن .. خلي احمد يدفع حق الإتصالات ..
أم أحمد :: هيه إن شاء الله ..
وطلع بو أحمد .. وراغته نورة ..
نورة :: ابويه ابويه ..
أبو أحمد:: هاه نوره
نورة :: ابوويه تراني بسير يوم اليمعه عند خالوتي أرقد ..
أبو أحمد :: شو تبين تعبلين عليهم
نورة :: بسير انزين ؟؟
ابو أحمد :: أنزين توكلي .. يالله شيء محتايه بعد ..
نورة :: لا لا ابويه فمان الله ..
بو أحمد :: يالله فمان الله ..
وطلع برع البيت بالسيارة
سلامه :: فكه
عاشه :: انا ابا اعرف حد يكره ابووه جذاا ؟؟
سلامه ::هيه اناا
عاشه :: عوذ بالله منج ..
نوره :: يسسسسسسسس .. ابويه خلاني اسير عند خالوتي
ام أحمد :: يالله انزين تعشن وهبطن رقدن ..خالد شوف اخوك وين .. الساعه الحين 10 نبا نقفل البيبان
خالد :: وييين بعده ما حاط .. لين الساعه 12 وبيرد ..
أم أحمد :: لالالا دقله شوفه وين ..
خالد :: انزين ..
حط التيلفون سبيكر ..
خالد:: الوو .. احمد وينك
احمد :: ليش شوتبى؟؟
خالد:: امي تقول يالله ارجع البيت بتقفل البيبان ..
احمد:: يالله ياي ياي في الطريج ..
خالد :: اوكي يالله باي..
أحمد:: باي ..
دخلت أم أحمد غرفة أحمد تشغل المكيف حقه .. عقب سارت اطالع البيت جان ليت شغال ولا مكيف عشان تسكره ..
نورة سارت غرفة عاشه
نورة :: عاشه .. عندج جحــال عدل غير اللي عطيتيني أياه البارحه ..
عاشه:: لا حبيبتي .. ما خليتي مكياج انتي عندي كله في غرفتج ..
نورة :: والخيبه وين كل المكياج .. كل اللي خذته جحالج الفاشل ... و حمره الورديه وبس
عاشه :: شو فيه الجحال؟؟
نوره :: وايد ثقيل ..
عاشه :: هيه .. تراج هبلا .. ما تعرفين تستخدمين انتي الجحال ..
نوره :: اييهي ابله ليش ما تعلميني بعد .. هههههههه
عاشه :: ههههههههه لااااااااه كم تدفعين ..
نورة :: ما بدفع شي ..
صاح تلفون عاشه ..
عاشه :: يالله انزين روحي خلاص انتهت المقابله ..
نوره :: يالله انزيييييييين
عاشه :: الو السلام عليكم ..
:: وعليكم السلام والرحمه .. شحالج
عاشه :: من يتكلم ؟؟
:: انتي منو؟؟
عاشه:: عن العبط .. منو انتي ؟؟
:: شبلاج معصبه ..
عاشه :: لا تستخفين دمج.. منو انتي
:: وحده ..
عاشه :: ما بترمسين بسكر الخط في ويهج..
:: لا لا خيبه .. لا تاكليني .. انا منى وياج في الدوام
عاشه :: مرحبا منى .. اسمحي لي ما عرفتج هههههه
منى :: انتي صايره جبريته عنبواا اعصابج هههههههه مسموحه حبيبتي
عاشه :: عيل تبيني اشوف وحده تستعبط علي واسكت هههه
منى :: هيه .. المهم الغاليه ..
عاشه ::آمري
منى :: بغيتج باجر تاخذين لي إجازة عند بوحمد ..
عاشه :: هههههههه والله يا منى إني ابروحي ابا اجازة ولا عطاني ..
منى :: يعني ما شي امل منه هالريال ..
عاشه :: غسلي ايدج ..
منى ..:: الله يعينا .. خلاص عيل بداوم انا باجر وبشوفه جان بيعطيني .. يالله عيل ما بطول عليج .. تصبحين على خير
عاشه :: فمان الله الغاليه .. حياااج .. وانتي من اهله ..
أحمد وصل البيت .. ودخل وهبط يرقد
وكلهم رقدووووووووووووووووووووووووووووووووووووا
الصبح
أم أحمد :: مااااااااااليتا .. وين الريووق ..
عاشه :: وليييييه امي انتي بشكارتج كسوله بليده ..
أم أحمد :: عيزتنا هالبشكارة ..
عاشه :: وين سلامه؟؟
أم أحمد :: قاعده تتلبس ..
عاشه :: هيه .. وخالد ماعليه اليوم دوام؟
أم أحمد :: ناشر خالد قبلج اليوم ..
عاشه :: هيه الله يوفقه .. شو عليه اليوم امتحان ؟؟
ام أحمد :: ما ادري به .. شو عندهم في التقنيه ..
عاشه :: سلااااااااااااااااااااااااااامه يالله عنبواا ..
سلامه :: اماااااه تعالي ركبي هالشباصه .. طفره
أم أحمد :: الحين انتي من الصبح يالسه اتضاربين وياها ..
عاشه :: متى دوام نورة اليوم .؟؟
أم أحمد:: الساعه 9 الصبح ..ليش؟؟
عاشه :: تراني ابا اسير العيادة مسويه موعد عشان البشره ..
أم أحمد .:: هيه خلاص عيل بوصلها عقب بخطف عليج ..
نورة يايه تربع ::
نورة :: بطلوا التلفزووووووووون بسرعه
عاشه :: اميييييييييه .. عنبوا لا صباح الخير لا احم ولا دستور ..
نورة :: صباح النور .. بطلي التلفزون بسرعه بسرعه ..
عاشه :: شو عندج .. خيبه
نورة :: البارحه ما شفت المسلسل فاتتني الحلقة والحين حاطين الإعادة ..
عاشه :: اي مسلسل ؟؟
نورة :: سلامه حطي ال MBC ...مسلسل يوم آخر ..
عاشه :: صدق انج فاضيه ..
عاشه :: سلامه خلصتي ريوق؟
سلامه يالله بشرب الجااي .. وبلبس الجوتي وبيييب شنطتي وبلحقج
عاشه :: يالله ..
أم أحمد لبست عباتها بتوصل البنات الدوامات .. ونورة يالسه اطالع التلفزون ..

عاشه في الدوام ::
عاشه:: صباح الخير ..
اليازيه :: صباح النرو شحالج..
عاشه بخير .. شخبارج
اليازيه :: بخير ..
عاشه :: هااه متى بتسيرين العزى؟؟
اليازيه :: اليوم الساعه 5 العصر شو قلتي ؟؟
عاشه :: هيه زين .. بخبر امي عيل ..
خبرت امها .. على التلفون
اليازيه :: اندوج .. هالأوراق توهن يايه من عند بو حمد يباج تدخلين المعلومات في الكمبيوتر ..
عاشه :: هيه زين ..

نورة في البيت ..::
اتصلت امها :: الوو
نورة :: الوو هااه امايه ..
ام احمد :: وعي احمد يبا يسير الدختر عشان ريوله..
نورة ::: انزين .. اماه لا تتأخرين في الجبره .. تراني الساعه 8 ونص بطلع
ام احمد :: انزين ما بتاخر .. يايه .. باخذ خضرة وراجعه ..
نورة :: يالله عيل
ام احمد :: يالله
نورة توعي احمد .. وادق على الباب ::احمد .. يالله قووم عندك موعد في المستشفى عشان ريولك ..
نورة:: احمد .. احمد .. يالله نش
احمد :: يالله يالله ناااااش ..
نوره :: يالله
دخلت نورة غرفتها :: وقعدت على النت تطالع اخر المشاركات في المنتدى ..
نش احمد وتسبح وطلع تريق وراح المستشفى ..
ردت ام احمد من السوق
نورة :: رديتي امايه ..
ام احمد :: هيه يالله بسير اتسبح و بوديج الجامعه ..
نورة :: يالله بلبس عيل اناا ...
طلعوا من البيت .. ووصلت نورة الجامعه
في الجامعه ::
نورة :: ميييييييثوووووووووه
ميثاء :: هاااااااااه .. خيبه انتي صدعه
نورة :: شو علينا اول كلاس
ميثا:: علينا مااااااااث
نورة :: اففففف اول كلاس عواار راس ..
ردت ام احمد البيت .. حصلت احمد يالس على الكمبيوتر ..
أم أحمد :: هاااااااه احمد شو قالوا لك..
أحمد:: ما شي بعدهم بيستمرون على العلاج الطبيعي ..
أم أحمد:: هيه ..
أحمد كـــــان داخل المسنجر .. حصل خليفه
احمد كــــــان النك ماله .. شـــــــــــديد البــــــــاس لا باس
وخليفه كان النك ماله .. كريــــــم الأصل لابد له مهابــــــه
شـــــــــــديد البــــــــاس لا باس :: هلا خلووووووووووف
كريــــــم الأصل لابد له مهابــــــه:: هلااااااا المكسوور .. هااااه سرت المستشفى
شـــــــــــديد البــــــــاس لا باس :: هيه سرت .. يااااا ريااااااااال اذونا ويا هالعلاج الطبيعي اللي ما يخلص
كريــــــم الأصل لابد له مهابــــــه:: ههههههه الله يعينك ..
شـــــــــــديد البــــــــاس لا باس:: هاااااااه شوو المزايين صوبك
كريــــــم الأصل لابد له مهابــــــه:: يا رياااااااااال الحين قاعد ارمس ثلاث بنات .. كلهن بنات التقنيه ..
شـــــــــــديد البــــــــاس لا باس:: اباااااا اعرف انته من وين اتلقط هالبنات ..
كريــــــم الأصل لابد له مهابــــــه:: يا عمي .. كل بنات التقنيه اول سنه حقهن تلقاهن عاطنات في الجات .. سير ويمع ههههههه
شـــــــــــديد البــــــــاس لا باس:: يا ريااااااال .. خل عنك .. كل يوم اهبط لا بنااااااااات ولا هم يحزنون ..
كريــــــم الأصل لابد له مهابــــــه:: ههههههههههه
شـــــــــــديد البــــــــاس لا باس:: صدق والله من وين لا قطنهن ..
كريــــــم الأصل لابد له مهابــــــه:: والله حد منهن من الجات وحد من المنتدى ..
شـــــــــــديد البــــــــاس لا باس:: هيه قوووووول جذاا المنتدى
كريــــــم الأصل لابد له مهابــــــه:: وانت الحين ما عندك غير المنتدى .. تراني اقولك الجااات
شـــــــــــديد البــــــــاس لا باس:: لا يبابا المنتدى فيه خصوصيه اكثر ههههههههه علي حركات يالليفه
كريــــــم الأصل لابد له مهابــــــه:: هههههههههه اعيبك انااااااا
شـــــــــــديد البــــــــاس لا باس::: انزين عرفناااااااا يا ريال شو هالبخل ..
كريــــــم الأصل لابد له مهابــــــه:: تبى تتعرف .. افاااااااا عليك .. لحظه شوي ...
شـــــــــــديد البــــــــاس لا باس:: ما يسوى .. شو هالبنات .. هوش هب بني آدم
كريــــــم الأصل لابد له مهابــــــه:: ههههههههه لحظة شوي لحظة .. بشوف لك وحده منهن ..
شـــــــــــديد البــــــــاس لا باس:: يالله اوكي

بعد 10 دقايق ...

كريــــــم الأصل لابد له مهابــــــه::بااااااااااااااك
شـــــــــــديد البــــــــاس لا باس:: يا رياااااااااال لو ما رديت علي ..
كريــــــم الأصل لابد له مهابــــــه:: اقووووووووول الحين بسوي حق ربيعيتي انفايت .. سولف وياها انا بسوي عمري انشغلت اوكي ..
شـــــــــــديد البــــــــاس لا باس:: يالله اوكي
كريــــــم الأصل لابد له مهابــــــه:: هلاااا بطــــــــــــــــيبة القلب
شـــــــــــديد البــــــــاس لا باس:: هلا هلا .. شحالج اختي ..
كريــــــم الأصل لابد له مهابــــــه.:: الووووو طيبة القلب .. لا تستحين رمسي ..
طــــــــــــــــيبة القلب:: لا لا مب مستحيه عادي .. هلا شحالك اخويه شخبارك ..
شـــــــــــديد البــــــــاس لا باس:: ربي يعافيج .. انتي شعلومج ..
كريــــــم الأصل لابد له مهابــــــه:: اقوووووووووووول طيبة القلب .. برب .. اسمحلي أحمد برب وبرجع بشوف الوالده شو عندها ..
طــــــــــــــــيبة القلب:: تيت .. خليفه برايك .. مب قاعده وايد...
شـــــــــــديد البــــــــاس لا باس:: تيت تيت ..
طــــــــــــــــيبة القلب:: ....
شـــــــــــديد البــــــــاس لا باس:: انزين .. شو اسمج ؟؟
طــــــــــــــــيبة القلب:: مب لازم تعرف اسمي ..
شـــــــــــديد البــــــــاس لا باس:: ليش مب لازم .. شقايل ارمس ويا حد ولا اعرف اسمه ..
طــــــــــــــــيبة القلب:: بس مب لازم .
شـــــــــــديد البــــــــاس لا باس:: خلاص عراحتج .. شو تشتغلين ولا ادرسين ؟؟
طــــــــــــــــيبة القلب::: مب شغلك ..
شـــــــــــديد البــــــــاس لا باس:: خيبه ليش ..
طــــــــــــــــيبة القلب:: بس
شـــــــــــديد البــــــــاس لا باس:: ورفجة خليفه تقولين لي ..
طــــــــــــــــيبة القلب:: امممممم .. ادرس زين
شـــــــــــديد البــــــــاس لا باس:: هيه جذااا .. ههههههه
طــــــــــــــــيبة القلب:: انزين وانت ؟؟
شـــــــــــديد البــــــــاس لا باس:: انا عندي إجازة مرضيه من الدوام .. اداوم في الحرس الأميري ..
طــــــــــــــــيبة القلب:: انت من العين ..
شـــــــــــديد البــــــــاس لا باس:: هيه .. وانتي
طــــــــــــــــيبة القلب:: انا من العين
شـــــــــــديد البــــــــاس لا باس:: من وين في العين ..
طــــــــــــــــيبة القلب:: ما يحتاي اقووول من العين وبس
شـــــــــــديد البــــــــاس لا باس:: اهااا ..
طــــــــــــــــيبة القلب:: انزين .. شو فيك عند اجازة ؟؟
شـــــــــــديد البــــــــاس لا باس:: ماشي .. بس تعورت وانا في التدريب .. وانكسرت ريلي ..
طــــــــــــــــيبة القلب:: الله يشفيك ..
شـــــــــــديد البــــــــاس لا باس:: ليش مريض؟؟
طــــــــــــــــيبة القلب:: هههههههههههه لا بس يعني ما حصلت كلمه غيرها هههههههههه
شـــــــــــديد البــــــــاس لا باس:: فديت هالضحكه اناا ..
طــــــــــــــــيبة القلب:: التزم قدرك ..
شـــــــــــديد البــــــــاس لا باس:: ههههههههه على اي شارع اليمين ولا اليسار ..
طــــــــــــــــيبة القلب:: ههههههههه لا لا على الرصيف ..
شـــــــــــديد البــــــــاس لا باس:: ههههههههههه .. انزين وين تدرسين ..
طــــــــــــــــيبة القلب:: في التقنيه ..
شـــــــــــديد البــــــــاس لا باس:: بالتوفيق إن شاء الله
طــــــــــــــــيبة القلب:: تسلم
شـــــــــــديد البــــــــاس لا باس:: شو تخصصتي ولا بعدج؟؟
طــــــــــــــــيبة القلب:: لا لا بعدني سنة اولى ..

شـــــــــــديد البــــــــاس لا باس:: اهاا
طــــــــــــــــيبة القلب:: اقوووول بدا الكلاس ارمسك بعدين بااااي ..
شـــــــــــديد البــــــــاس لا باس:: خلاص اوكي .. هذا ايميلي ضيفيني عندج اوك ..
طــــــــــــــــيبة القلب::اوكي بااي

أحمد :: يويييييييل حالي .. عيش حياتك ..

الساعه 12 .. دق تيلفون البيت ..
أم أحمد :: الوو
نورة :: الوو هااااااااه امايه وينج خلصت انااا ..
أم أحمد ..:: جيه كم الساعه ؟؟
نورة ::: الساعه 12 الحينه ..
أم أحمد :: ما ادريبها .. قاعده اجابل المطبخ عن لا تخرب الورق عنب هالخبله بعد .. يالله الحينه بييج
نورة :: تراا .. ميثا .. بتيي وياي .. دريولهم سافر ..
أم أحمد :: يالله انزين يايه ..
نورة :: يالله ::

وصلوا ميثا.. بيتهم .. ووصلوا البيت ..
هبطت نورة تغير ملابسها .. وسارت ام احمد المطبخ اتابع الطبــــــــاخ ..

وصلت الساعه 2 .. وطلعت أم أحمد .. تييب البنات من الدوامات ويا الدريول ..

رد خالد من التقنيه الساعه 3 الظهر

حطوا الغدى .. وتغدوا .. وعلى الغدا
عاشه :: خالد شو عندك اليوم رحت بسرعه قبلنا ؟؟
خالد :: ماشي .. ما مكمل البروجكت استعيلت عمري تسليمه باجر ..
ام احمد :: شو بروجتك بعد؟؟
نورة :: هذا بحث امايه بحث ..بس بالإنجليزي ..
سلامه :: امااه .. ترى ابلى نوال تقول تبى ال100 ربيه باجر ..
ام احمد :: هيه انزين .. بعطيج اياهن ..
نش احمد من على الغدى ..
ام احمد :: شفيك احمد ما تغديت؟؟
أحمد :: لا لا فديتج بسني ..
عاشه :: امي ترا العيش يابس اليوم ..
أم أحمد :: اسميها هالبشكارة .. عيزتني .. عيزت إما اعلمها .. يغير إنها طمه ما تفهم ..مااااااااليتا .. يو مااااااااليتا ..
ماليتا :: نعم مااااااادام ..
عاشه :: ماليتا شو هالعيش ..
ماليتا :: مس انا يسوي تمام ..
عاشه :: وين تمام .. شوفي جذااا عيش .. هذا يابس ..
ماليتا :: إيييه إن شاء الله مس بكره انا يسوي ترتيب ..
عاشه :: هيه سوي زين .. شوي شوي سوي طبخ ما يريد سرعه سرعه .. يالله نظفي السفرة ..

كلهم نشوا .. وكل واحد سار غرفته ..

بس سلامه وخالد ... قاعدين يلعبون على البلاي ستيشن ..
أم أحمد :: سلاااامه .. تعالي دلجي لي ظهري يعورني ..
سلامه :: اوووه امي .. خلي ماليتا .. تهمزج ..
أم أحمد :: ماااااااليتااا ..
ماليتا :: نعم مدام ..
ام احمد :: هاتي كريم الظهر .. تعالي سوي دلك مشان ظهر ..
ماليتا :: إن شاء الله مدام

عاشه في الغرفه ..
اندق الباب :: عاااااااشه
عاشه:: شوووو احمد شي بغيت ..
احمد :: شوو راقده ..
عاشه :: لا لا بس قاعده اتلبس برقد ..
احمد :: هييييييه .. خلاص عيل برمسج عقب ..

عاشه في نفسها :: افففففف ادري ياي يطلبني فلوس ..

يا وقت العصر ..

نورة يايه تربع :: يالله يالله شل لعبتك .. قم حط ال MBC ... ياي المسلسل ..
خالد:: افففففففف انتي طفره ويا مسلسلج ..
نورة :: يالله بسرعه ..

سلامه قاعده ترمس بالتلفون .. ويا ربيعتها عزة ...

عاشه .. طلعت من الغرفه :: اووووووهووووو نورووه مش حلوو مسلسلج انتي ..حطي قناة 2 .. ياي الحين اوبراا .. اليوم بتتكلم عن السمنه حطيييه يالله عاااااااد ..

نوره :: اووووووووه مافيني .. سيري فوووق ..
عاشه :: تعرفين الدش خربان فووق ..
نوره :: افففففف .. هاااااااه حطيناها هالخاله ..
عاشه :: هيه توج ..

خالد ::: عاشه .. ابا فلووس .. بسير اصب بتروول حق السيارة ..
عاشه :: انزين سير الغرفه في البوك في الشنطة اللي على الطاولة لونها سودا منقطة باحمر ..
خالد :: اوكي مشكــــورة ..

طلع أحمدمن الغرفه .. وسار الصالة .. حصل البنات ..

أحمد :: وين امي ؟؟
سلامه :: امي راحت عند ام سالم .. يارتنا ..
أحمد :: هيه ..

يابت البشكارة فواله .. وكلوا .. ويلسوا يطالعون التلفزون

الساعه 5 .. عاشه دقت حق امها تخبرها تبى اتسير العزى ..
يت ام احمد .. وساروا العزى لين صلاة المغرب
واللي في البيت ::
وسوالف وضحك وغشمره وتطنيز على المغنيين والممثلين لين صلاة المغرب .. عقب سار كل واحد غرفته يصلي والشباب ساروا المسيد يصلون المغرب ..

بعد ما ردت ام احمد وعاشه .. من العزى ..

احمد:: عاشه .. اباج في سالفه ..
عاشه وفي خاطرها :: افففففف اكييد السالفه سالفة فلوس ..
عاشه :: اوكي يا يه
احمد:: الحين انا من متى اقولج نبى نسوي سلفيه عشان نعدل البيت .. من اطلقوا امي و ابوي .. وبيتنا خرابه ..
عاشه :: لا لا اخاااااااف انا ما فيني على السلفيات .. وقلت لك سلفيه مب ساحبه .. تبى بنيمع فلوس واللي بنقدر بنعدل فيه ..
احمد :: كم بتيمعين يعني .. انتي نص معاشج على خواتج .. والباقي على لبسج وكشختج ..
عاشه :: شسوي لك .. ما تعودت اقعد مبهدله ..
احمد :: على الأقل خفي من هالصرف ..
عاشه :: خير إن شاء الله .. انت بعد كم في رصيدك؟؟ راس مالك 20 الف .. وهالفلوس بتصرفهن ولا بتعرس فيهن .. ليش ما ترمس ابووي دام انك تبى اتعدل البيت ..
احمد :: من ويله ابووي .. راس ماله هالمزرعه والعزبه يالس يراكض وراهن ...
عاشه :: ما ادري .. بس سلفيه لا يعني لا ..
احمد :: مع الأيام بتحسين قيمة البيت ..
عاشه :: خير خير إن شاء الله ..

طلعت عاشه من الغرفه .. وراسها بينفجر من كثر ما يرمسون في نفس السالفه ..